Имрӯз, 9 – уми апрел дар Институти геология, сохтмони ба заминҷунбӣ тобовар ва сейсмологияи АМИТ тибқи нақша-чорабиниҳои АМИТ Конференсияи ҷумҳуриявии илмию назариявӣ дар доираи «Ҳафтаи илм дар АМИТ» баргузор шуд.
Ин Конференсия ба «Бистсолаи омўзиш ва рушди фанҳои табиатшиносӣ, дақиқ ва риёзӣ дар соҳаи илму маориф (солҳои 2020-2040)», «Даҳсолаи байналмилалии «Об барои рушди устувор, 2018-2028» ва «Соли маърифати ҳуқуқӣ» (соли 2024) бахшида шуд.
Дар Конференсияи мазкур 58 нафар кормандони илмии муассиса фаъолона иштирок намуда, саҳми худро барои дар сатҳи баланди илмӣ гузаштани кори он гузоштанд.
Дар ҳамоиш 13 маърўза дар мавзуъҳои дар доираи конференсия пешбинишуда, ки кормандони имлии Институт омода карда буданд, шунида шуд.
Пас аз анҷоми ҳар маъруъа миёни ширкаткунандагон табодули афкор сурат мегирифт ва ҳозирин ба суолҳои худ посухҳои дақиқ дарёфт мекарданд.
Дар анҷом тариқи муҳокима кормандони муассиса якдилона маърўзаи ходими хурди илмии лабораторияи тадқиқоти комплексии сейсмологӣ ва геофизикӣ Давлятова Малоҳат Зуҳуровна дар мавзўи: «Таназзули моренаи пиряхи РГО дар Помири Шимолӣ-Ғарбӣ»-ро беҳтарин маърузаи Конференсия донистанд.
