Роҳбарият ва корманди Институти геология, сохтмони ба заминҷунбӣ тобовар ва сейсмологияи Академияи миллии илмҳои Тоҷикистон мудири лабораторияи геодинамикаи фанерозой ва петрогенезис ҒАФУРОВ ФАРҲОД ҒИЁСОВИЧРО ба муносибати ҳимояи бомуваффақияти рисолаи докторӣ самимона муборакбод мекунад.

Ҳимояи рисолаи доктории ҳамкори мо дар мавзӯи «Минералогия, геохимические особенности и генезис карбонатитовых проявлений Таджикистана» рӯзи 25-уми апрели соли 2024 дар шаҳри Тошканд баргузор шуд. 

Фарҳод Ғафуров аз ҷумлаи пуркортарин пажӯҳишгарони Институт буда, самараи талошҳои рӯзафзуни худро дар роҳи илм имрӯз ба намоиш гузоштанд. 

Мавзӯи таҳқиқ хеле фарогиру доманадор буд ва ба донишманди тоҷик муяссар гардид, ки натиҷаи заҳамоти чандинсолаи худро дар як рисолаи докторӣ гирд оранд ва дар шоҳидии донишмандони зиёди соҳа дар пойтахти Ҷумҳурии Ӯзбекистон дифоъ кунанд. 

Як бори дигар ҳамкори донишманди худро барои ин комёбӣ муборакбод мекунем ва барояшон комёбиҳои нав таманно дорем!