Ин зилзилаи мудҳиш соати 5:23 дақиқаи субҳи рӯзи 26 апрели соли 1966 рух дод.
Асли қувваи он 5,2 балл буда, вале аз сабаби он ки умқаш ҳамагӣ аз 3 то 8 км буд, ба шиддати 8-9 балл такон дод. Дар канораҳои шаҳр шиддати он то ба 6 балл буд. Ларзиши шадиди он 10-12 сония давом кард.
Афзалияти ларзиши амудӣ (на уфуқӣ) сабаби талафоти кам (8 кушта ва чандсад захмишуда) дар як шаҳре бо миллион нафар аҳолӣ шуд. Таҳлил нишон дод, ки 10% захмхӯрдагон аз хароб шудани девору боми хонаҳо, 36% онҳо аз вайрон шудани қисмати асосии биноҳо ҷароҳат бардошта буданд. 55% амали ғайриихтиёронаи худи ҷабрдидаҳо буд, ки шояд ба воҳимаву ҳамҳама дода шуданд ва аз тарс худро ба ҳар кӯву дар заданд.
Аммо баъди он ки замин боз ҳам такон хӯрд, ҳарчанд бо неруи камтару шиддати пасттар, вале аз тарс ва сакта гирифтани дил чандин нафари дигар фавтиданд.
