ЛАРЗИШ ДАР МОҲ - ҷунбиши сейсмикии сатҳи Моҳ ҳарчанд нисбатан заъиф аст ва метавонад то 5,5 баллро ташкил диҳад. Бо ин қувва такон хӯрдани Замин метавонад ба биноҳо зарар расонад.

Агар ларзиш дар Замин 1 ё 2 дақиқа давом кунад, дар Моҳ давомнокии он метавонад бештар аз 10 дақиқа бошад. 

Ларзиш дар моҳ аввалин маротиба дар ҷараёни экспедитсияҳои «Аполлон-12», «Аполлон-14», «Аполлон-15» ва «Аполлон-16» (НАСА) кашф шуда буд. 

ЗАМИНЛАРЗАҲОИ ВУЛҚОНӢ

Навъе аз заминҷунбиҳоест, ки дар қаъри вулканҳо ба вуҷуд меояд. Сабаби он гудозаҳо, газҳои вулқонист, ки аз поён ба болои Замин фишор меоранд. Қувваи ин гуна заминларзаҳо заъиф, вале муддати дурудароз, ҳатто ҳафтаҳову моҳҳо идома мекунад. Бо вуҷуд ин гуна заминларзаҳо ба ҳаёти одамон хатар надоранд. Вале заминларзаҳои вулқонӣ маъмулан қосидону паёмрасонҳои фаввора задани вулканҳост, ки оқибатҳои вазнинтар доранд.  

Таҳияи Б.Шафеъ