Дар остонаи 33-умин солгарди Истиқлоли давлатии Ҷумҳурии Тоҷикистон субҳи имрӯз, шанбе, 7-уми сентябр кормандони Институти геология, сохтмони ба заминҷунбӣ тобовар ва сейсмологияи АМИТ бори дигар чун анъана ба ҳашар баромаданд.
Чун ҳамеша онҳо хасу хасрӯбаҳоро руфтанд, баргҳои хазонрасидаву бод парешонсохтаро аз зери буттаҳову дарахтон ва роҳравҳо ҷамъ оварданд.
Ҷӯйборҳои обёриро аз хазонрезаҳо пок карданд ва бехи дарахтонро нарм карданд.
Ва баъдан лозим донистанд сабзазори атрофро обёрӣ кунанд, то он ба сабзиши худ идома диҳад.
Ҳамин гуна талошҳо буд, ки дар гармои бесобиқаи имсол ҳам гирду атрофи бинои Институт ҳамеша сабзу назаррабо буд ва гулҳо шукуфону муаттар.
