Рӯзи шанбе, 21-уми сентябри соли 2024 кормандони Институти геология, сохтмони ба заминҷунбӣ тобовар ва сейсмологияи Академияи миллии илмҳои Тоҷикистон аз субҳи бармаҳал гирди ҳам омаданд ва чун анъанаи рӯзҳои шанбеи гузашта даст ба корҳои тозагиву назофат заданд.
Лозим омад бештар алафҳои хушкидаро ҷамъ оранд, бехи дарахтонро тоза кунанд ва бо бел нарм созанд.
Имрӯз ҳам барои руфтану тоза кардани баргҳои хазон корҳои зиёдеро лозим омад анҷом диҳанд. Бонувон дар даст ҷорубҳои дароз баргҳои хазони ба замин пошхӯрдаро руфтанду ҷамъ оварданд ва ба партобгоҳ бурда рехтанд.
Ин ҳафта лозим одам боми биноро аз назар гузаронанд, зеро дарахтони сар ба фалаккашида, ки шохаҳои худро болои бомҳо низ паҳн карда буданд, дар ин фасли тирамоҳ барг резонданд. Мебоист онро мерӯфтанд, то агар борони тирамоҳӣ борад, оби борон бе мамониат аз новаҳо ба замин шорад ва ба бино зарар нарасонад.
Расмҳо баёнгари заҳмати ин рӯзанд.
