Дар Институти геология, сохтмони ба заминҷунбӣ тобовар ва сейсмологияи Академияи миллии илмҳои Тоҷикистон бахшида ба Рӯзи Модар ҷаласаи тантанавӣ баргузор шуд.

Пӯлод Аминзода- Директори Институт бо ёдоварӣ аз саҳми бонувон дар рушди илму техника, ҳиссаи бонувони Институтро дар ин самт арзишманд хонд.

Директори Инстути геология дар бахши дигар аз суханрониаш аз суханронии Пешвои Миллат муҳтарам Эмомалӣ Раҳмон иқтибос овҷард , ки фармуданд: Ҳоло дар муассисаҳои соҳаи маориф аз ҳисоби занон 11 академик, 84 профессор, 131 доктори илм, 1000 номзади илм ва 608 дотсент фаъолият дорад.

Дар Академияи миллии илмҳо 743 нафар занону бонувон фаъолият доранд, ки 80 нафари онҳо кадрҳои роҳбарикунанда, 2 нафар академик, 3 нафар узви вобаста, 33 нафар доктори илм, 109 нафар номзади илм, 104 нафар доктор аз рӯйи ихтисос ва 294 нафар магистр мебошанд.

Пӯлод Аминзода ҳамчунин иброз дошт, ки дар солҳои соҳибистиқлолӣ занону духтарон дар ҳама соҳаҳо, бахусус соҳаи илмҳои геология ва бахши сохтмони ба заминлраза тобовар ва сейсмология нақши назаррас доранд. Онҳо дар рушди геология, бахусус ҷустуҷӯи боигариҳои қаъри замин саҳми арзанда мегузоранд.

Директори Институт ҳамчунин аз ғамхории пайвастаи Ҳукумати кишвар, бахусус Пешвои муаззами миллат дар рушди илму техника ва ҷалби бонувони боистеъдод ба корҳои илмӣ изҳори назар намуд ва гуфт “мо ин ғамхориро пайваста эҳсос мекунем”.

Дар нишаст ҳамчунин ҷонишини директори Институт Мустафо Гадоев, Фарҳод Ғафуров, Умедҷон Шарипов, Давлатхӯҷа Муродов, Фотеҳ Файзиев, Рустам Бозоров ва Зулфия Соҳибова суханронӣ ва бонувонро ба муносибати идашон муборакбод карданд.

 Дар ин ҳамоиш бахшида ба Рӯзи Модар бонувони Институт бо туҳфаҳо қадрдонӣ карда шуданд.

Поёни ин нишаст аз барномаи ҷолиби фарҳангӣ иборат буд, ки хотири ҷамъомадагон шод гардид.