Дар пойгоҳи сейсмикии Хуҷанд васлу насби таҷҳизоти сейсмикии рақамӣ оғоз шуд. Ин таҷҳизот аз ҳисоби гранти бонки Ҷаҳонии рушд ба Институти геология, сохтмони ба заминҷунбӣ тобовар ва сейсмологияи Академияи миллии илмҳо харидорӣ шуд.
Қарор аст зарфи ду рӯзи оянда васлу насби таҷҳизоти сейсмикии рақамӣ дар пойгоҳи сейсмикии Офтобруй ва Истрвшан идома ёбад.
Таҷҳизоти васл гардида ба системаи ягонаи сейсмики онлайнии Институти геология, сохтмони ба заминҷунбӣ тобовар ва сейсмологияи Академияи миллии илмҳо пайваст гардида, маълумот дар сервери ягона барои омӯзиш ва коркард ҷамъоварӣ мешавад.
Дар иҷрои корҳои васлу насби таҷҳизоти ёдшуда мудири лабораторияи Баҳодиҳии хатархои сейсмики Муродкулов Ш. Я., роҳбари маниторинги сейсмикию геофизикии Ёкубов Ш. А. ва муовини директор оид ба корҳои умумӣ Каримов Р. Ш. саҳм гузоштанд.
