Дар Институти геология, сохтмони ба заминҷунбӣ тобовар ва сейсмологияи Академияи миллии илмҳои Ҷумҳурии Тоҷикистон корҳои таъмиру тармими бино ба шиддат идома дорад. Рӯзи шанбеи гузашта ҳам кормандони Институт сари вақт ба маҳалли кор ҳозир шуданд ва ба корҳои ободонии когоҳи худ идома доданд.
Ин ҳафта навбати таъмир ва ободонии толори маҷлис буд. Кормандон дару девори онро рангубор карданд, курсиҳои шикастаро таъмир намуданд ва толорро барои ҷаласаҳои васеъ омода сохтанд.
Бонувон чун ҳарвақта ба поккории саҳни ҳавливу атрофи бино ҷалб шуданд. Онҳо ҳавлиро рӯбучин карданд, баргҳои хазонро руфтаву ҷамъ оварданд ва ба партобгоҳ рехтанд.
Ҳар шанбе дар Институти геология, сохтмони ба заминҷунбӣ тобовар ва сейсмологияи АМИТ рӯзи покиву назофат аст ва ин анъанаи солҳост. Аммо зарфи ду-се моҳи охир ба поккориҳои саҳни ҳавливу зери дарахтон боз тармими бино ҳам илова шудааст.
Аксҳо аз ҷараёни ин корҳо.
