13-уми сентябри соли 2023 дар Институти геология, сохтмони ба заминҷунбӣ тобовар ва сейсмологияи Академияи миллии илмҳои Тоҷикистон барои иштирокчиёни Вохӯрии панҷуми машваратии сарони давлатҳои Осиёи Марказӣ  намоиши дастовардҳои илмӣ баргузор гардид.

   Дар он институтҳои Академияи миллии илмҳои Тоҷикистон дар якҷоягӣ дастовардҳои илмии худро дар самтҳои гуногуни илм ба намоиш гузоштанд. Ҳадаф аз ин чорабинӣ намоиш додани илмҳои пешрафта, беҳтарин таҷрибаву дастовардҳои илмӣ дар соҳаҳои гуногуни илм дар кишвар мебошад, ки меҳмонон басо хуш пазируфтанд.

   Намоиши мазкур инчунин бо мақсади рушди ҳамкориҳо байни кишварҳо, истифода муштараки дастовардҳои илмӣ дар таҳкими робитаҳои илмӣ ва истифодаи илми муосир барои технологияҳои ҳозиразамон роҳандозӣ шуд.

   Дар намоиш созмонҳои байналмилалӣ, маҳаллӣ, вазорату идораҳо, ташкилотҳои ҷамъиятӣ ва муассисаҳои илмию тадқиқотӣ низ иштирок намуданд.