Рӯзи шанбе чун одати ҳамешагӣ кормандони Инстути геология, сохтмони ба заминҷунбӣ тобовар ва сейсмологияи Академияи миллии илмҳои Тоҷикистон аз субҳ гирди ҳам омаданд ва ба корҳои ободонӣ дар коргоҳи худ идома доданд.
Ин бор зумрае даст ба корҳои андоваи деворҳои фурӯрехта заданд. Зумраи дигар дару тирезҳои фарсударо кандаву ба ҷойи он дарҳои навро бо тирезаҳои пластикӣ устувор карданд.
Ҳамзамон кор дар боғу роҳравҳои Институт низ ҷараён дошт. Бонувон рӯбучин карданд, баргҳои рехтаи дарахтонро ҷамъ оварданд, саҳни биноро покиза рӯфтанд.
Як гурӯҳ саргарми тоза кардани бехи дарахтону ҷӯйборҳо шуданд ва талош карданд бодовардаҳоро аз ҷӯйборҳо берун кунанд, то агар рафту борон биборад, об роҳи берун шудан дошта бошад.
