Дар Институти геология, сохтмони ба заминҷунбӣ тобовар ва сейсмологияи Академияи миллии илмҳои Тоҷикистон ҳимояи пешакии рисолаи магистрии Сиёвуш Фозилов дар мавзуи “Тафсири ҷомеи иктишофи сейсмикӣ ва электрикӣ барои профилҳо ва чоҳҳо дар баъзе аз минтақаҳои ғайримаъмулии минтақаи Душанбе-Вахш” баргузор гардид.
Дар баррасии пешазҳимоявӣ донишмандон роҷеа ба ҳар боби рисолаи ҳимояшаванда фикру мулоҳизаҳои худро баён доштанд ва барои рафъи камбудиҳо маслиҳатҳои муфид доданд.
Маъмулан ҳимояи пешакӣ замоне баргузор мешавад, ки унвонҷӯ рисоларо омода кардааст ва мехоҳад тибқи маслиҳату машварати ҳамкорон ва устодон ҷиҳати такмили он талоош кунад, то рӯзи ҳимояи асосӣ дар муҳтавову таҳлилу баррасиҳои пажӯҳиш Комиссияи давлатӣ эрод нагирад.
Гуфтанист, ки Сиёвуш Фозилов аз зумраи пажӯҳишгарони ҷавон ва пурталош буда, мавзуи рисолаи худро таҳти роҳбари Ш.Шозиёев бо ҳама далелу ҳуҷҷати илмӣ омода кардааст.
