Кормандони Инстути геология, сохтмони ба заминҷунбӣ тобовар ва сейсмологияи Академияи миллии илмҳои Тоҷикистон бо роҳандозии ҳашар як рӯзи дигари покиву назофатро пушти сар гузоштанд.
Дар ин рӯз онҳо гирду атрофи бинои Институтро аз ҳар гуна хасу хаспораҳо тоза карданд, бехи дарахтонро нарм карданд, ҷӯйборҳое, ки сабзазори атрофи биноро шодоб мекунанд, аз ҳар гуна селовардаҳо тоза карданд, то об бе мамониат вориди мазрааи сабз шавад ва дарахтону гиёҳон бар асари гармои тоқатфарсо хушк нашаванд.
Онҳо ҳамчуни алафҳои арсидаро дарав карданд ва аз майдон берун бурданд.
Гуфтанист, ки дар Институт баргузории рӯзҳои назофату покӣ ба ҳукми анъана даромадааст ва ҳар сари чанд вақт кормандон барои тозаву озода нигоҳ доштани бино ва атрофи он рӯзҳои истироҳат ҷамъ меоянд ва даст ба поккориҳо мезананд.
Расул Каримов
