Шанбеи гузашта чун анъанаи дерин кормандои Институти геология, сохтмони ба заминҷунбӣ тобовар ва сейсмологияи АМИТ як рӯзи игарро сарфи корҳои поксозии атрофи бино ва дохили он карданд.

Аз субҳи бармаҳал талош ба харҷ доданд ҳар бодовардаро аз саҳни Институт рӯбанд, бехи дарахтонро нарм кунанд, ҷӯйборҳоро барои обёрии бемамониати дарахтон ва сабзазорони Институт тоза кунанд. 

Гармои имсол хеле шадид аст ва табиист, ки гиёҳон бештар ба об ниёз пайдо мекунанд. Ҷӯйборҳои тоза имкон фароҳам меоранд, ки об бе мамониат ба ҷойи зарурӣ расад, заминро шодоб кунад ва долу дарахт ва буттаҳои атрофро аз эҳтимоли таъсири манфии гармо нигоҳ дорад.

Кормандон ҳамчунин алафҳои расидаро дарав карданд, бонувон ҳавлӣ ва атрофи биноро руфтанду аз ҳар гуна хасу хошоку баргҳои хазоншудаи дарахтон тоза карданд.