Кормандони Институти геология, сохтмони ба заминҷунбӣ тобовар ва сейсмологияи АМИТ ба ин назаранд, ки ҳатто агар ҳар ҳафта як рӯзро рӯзи поккориҳо эълон кунанд, то охири ҳафта атроф ниёз ба тозакориҳои нав пайдо мекунад.

Бе ин ҳам дар ин боргоҳи илму маърифа анъана шудааст, ки ҳар рӯзи шанбе аз субҳ ба ҳашар меоянд, то коргоҳашонро озодаву пок нигоҳ доранд.

Саҳни ин пажӯҳишгоҳи илмӣ ҳамеша тозаву озода аст ва як сабаби аслӣ он аст, ки ҳамаи кормандонаш худро масъули тозагӣ дар коргоҳашон медонанд.

Ин шанбе ҳам сарҷамъ шуданд. Барои ҳама кор ёфт мешуд: яке девори рангпаридаро сафед мекард, гурӯҳе атрофро рубучин мекарданд, сеюмиҳо бехи дарахтонро нарм ва алафҳои хушкидаро дарав мекарданд.