Субҳи имрӯз чун ҳама рӯзҳои шанбе, ки ба ҳукми анъана даромадааст, кормандони Институти геология, сохтмони ба заминҷунбӣ тобовар ва сейсмологияи АМИТ ба ҷойи кор ҳозир шуданд ва даст ба поккориҳову рӯбичини атрофи бино коргоҳ заданд

Гурӯҳе толори маҷлиси Институтро ба низом дароварданд, батареяҳоро ба мавсими зимистон омода карданд, бахше аз фарши осебдидаро тоза карданд.

Гурӯҳи дигар атрофи биноро аз ҳар гуна хасу хасрӯбаҳо ва баргҳои хазон пок карданд.

Ин хосияти тирамоҳ аст, ки шамол баргҳои зардшударо аз дарахтон бармеканад ва ба сер партоб мекунад. Лозим меояд ҳар рӯзи шанбе ин баргҳои хазон рӯфта шаванд, ҷӯйборҳо аз ҳар гуна сангу регу барги дарахтон тоза карда шаванд.

Расмҳо аз ҷараёни поккориҳои рӯзи 19-уми октябри соли равон.