Хадамоти геофизикии Академияи миллии илмҳои Тоҷикистон бо пахши як гузориши кутоҳ аз сабти заминларзаи нав дар қаламрави кишвар хабар дод. Ин заминларза рӯзи 27 октябри соли 2024, соати 04:15 дақиқа ба вақти маҳаллӣ рух додааст.

Маркази заминҷунбӣ 197 километр шимолу-шарқи шаҳри Душанбе, 23 километр шимол аз ноҳияи Лахш буда, қувваи он дар марказаш 3 балл ва дар ноҳияи Лахш 2-3 баллро ташкил додааст.

 Се соат баъд, соати 07:20 дақиқа ба вақти маҳаллӣ дар ҳудуди Ҷумҳурии Тоҷикистон заминларзаи дигар ба қайд гирифта шуд, ки маркази он 288 километр ҷанубу-шарқи шаҳри Душанбе, 29 километр шимолу-шарқи шаҳри Хоруғ буд.

    Манбаъ ҳамчунин иттилоъ дода, ки зилзила талафоти ҷонӣ ва хисороти дигар надошт.