Рӯзи 9-уми феврали соли равон чун анъанаи ҳамешагӣ кормандони Институти геология, сохтмони ба заминҷунбӣ тобовар ва сейсмологияи Академияи миллии илмҳои Тоҷикистон аз субҳ ба коргоҳ омаданд, то дар корҳои поксозии атроф ва саҳни Институт саҳм гиранд.
Онҳо чун ҳамеша аввал баргҳои хазонро аз боғу сари роҳу саҳни Институт рӯфтанд. Бехи ниҳолҳоро каме нарм карданд. Ҷӯйборҳоро аз ҳар гуна бодовардаҳо тоза карданд.
Занон ҷорӯб дар даст саҳни ҳавлии институтро рӯфтанду тоза карданд.
Хулоса, ин ҳам як рӯзе буд аз рӯзҳое, ки кормандон бо шавқу муҳаббати беандоза коргоҳи азизашонро тоза карданд.
