Рӯзи шанбеи гузашта, 26-уми июл кормандони Институти геология, сохтмони ба заминҷунбӣ тобовар ва сейсмологияи АМИТ чун анъанаи дерин барои роҳандозии корҳои покиву назофат ба саҳни Институт ҷамъ омаданд.
Аз шабе то шанбе барои поккориҳо корҳои зиёд ёфт мешаванд. Боди шабу субҳ баргҳои хазонро зиёд парешон мекунад ва чун оғози тирамоҳ аст, дарахтон ҳам мавсими хазонрезро аз сар мегузаронанд.
Кормандон атрофи биноро аз алафҳои хушкидаву баргҳои хазон ва ҳар бодовардаи дигар тоза карданд.
Боз ҳам бехи дарахтонро нарм карданд, аз миёни буттагулҳо баргҳои хазоншуда чиданд.
Дар ҷойҳое, ки ҷӯйборҳо бар асари селобҳо аз лойқа пур шуда буданд, онро тоза карданд.
Бонувон саҳни ҳавлиро аз баргҳои хазону бодовардаҳои дигар тоза карданд.
Ҳамчунин зарур омад як силсила корҳои уфунатзудоиро ҳам бо истифода аз маҳлулҳои уфунатзудо анҷом диҳанд.
Ин анъана ҳар ҳафта идома мекунад ва барои кормандони ин Институт одат шудааст, ки ҳатман рӯзҳои шанбе чанд соатеро барои поксозии коргоҳи азизашон бахшанд.
