Тирамоҳ ҳам батариҷ аз мулки мо рахт барбаст ва ҷойи худро ба фасли зимистон дод. Дарахтон аз боди сарди шабу субҳ бо баргрезонӣ бештар тана урён мекунанд ва худро ба баҳори дигар омода месозанд.
Саҳни Институти геология, сохтмони ба заминҷунбӣ тобовар ва сейсмологияи АМИТ бо боғи калону сабзазору дарахтзораш як майдони сарсабзи густаришёфтаро мемонад.
Дар ин боғ долу дарахт зиёд, сабзаҳо чаҳор фасли сол намехушканд, чун ҳамеша обёрӣ мешаванд, то замоне, ки бо кӯрпаи барф пӯшида мешаванд.
Кормандони Институт рӯзи шанбеи гузашта на танҳо баргҳои хазонро руфтанту боғро тоза карданд, балки шохаҳои дарахтонро ҳам қайчӣ заданд, то баҳорон монеа барои сабзиш надошта бошанд.
Аксҳо ҳикоятгари як рӯзи дигари назофат дар Институт!
