Рӯзи шанбе, 18-уми апрели соли равон кормандони Институти геология, сохтмони ба заминҷунбӣ тобовар ва сейсмологияи Академияи миллии илмҳои Тоҷикистон аз субҳ гирди ҳам омаданд ва аз пайи ободониву покккориҳо дар ҳудуди коргоҳашон шуданд.
Бонувон ҷорӯб дар даст ҳавливу роҳравҳоро аз бодовардаҳо тоза карданд. Онҳо ҳамаро рубучин карданд ва хасу хаспораи дар ин ду-се рӯзи охир ҷамъшударо руфтаву саҳни коргоҳро озода намуданд.
Имрӯз илова ба рубучин бонувони Институт қолинҳои роҳрави ошёнаҳоро ҳам шустанду дар офтоб гузоштанд
Мардонро лозим омад даст ба корҳои сохтмонӣ зананд. Барои ободонии дару девори бино Институт ҳамеша кор ёфт мешавад.
Ин ҳама корҳоеанд, ки маъмуланд тибқи анъана ҳар шанбе анҷом дода мешаванд. Натиҷаи ҳамин талошҳост, ки ҳам саҳни ҳавлии муассисаи илмӣ поку тамъйиз аст ва ҳам ҳотаи он басаришта нигоҳубин шудааст.
