Бо мақсади беҳтар намудани шароити кор, фароҳам овардани муҳити мусоиди фаъолияти касбӣ ва таҳкими заминаи моддию техникии шабакаи мониторинги сейсмикӣ, дар пойгоҳҳои сейсмикии Ғарм ва шаҳри Хуҷанд  корҳои ободонӣ ва таъмири асосӣ анҷом дода шуданд.

Дар доираи тадбирҳои анҷомдодашуда таъмири асосии бино ва  хоначаҳои сейсмологӣ ба анҷом расонида шуда, деворҳои дохиливу берунӣ, утоқи корӣ рангубор гардиданд.

Муҳити атроф мутобиқ ба меъёрҳои муосири беҳдоштӣ ва техникӣ ба тартиб дароварда шуд.

Фароҳамсозии фазои муносиб барои фаъолияти кормандон яке аз омилҳои муҳими баланд бардоштани самаранокии корҳои илмӣ ва техникии Шабакаи мониторинги сейсмикӣ дониста мешавад.

Пойгоҳҳои сейсмикии Ғарм ва шаҳри Хуҷанд аз ҷумлаи зерсохтҳои муҳими низоми ягонаи мониторинги сейсмикии ҷумҳурӣ ба шумор рафта, дар омӯзиш ва сабти равандҳои геодинамикӣ  ва сейсмикӣ нақши калидӣ дорад.

Қобили зикр аст, ки корҳои таъмиру ободонӣ бо дастгирии пайвастаи Президенти Академияи миллии илмҳои Тоҷикистон, академик Қобилҷон Хушвахтзода  ва директори Институт Носир Сафарализода  амалӣ мешавад.

Таваҷҷуҳ ва мусоидати доимии онҳо ба рушди зерсотҳои илмӣ, барои пешрафт ва барқарорсозии пойгоҳҳои сейсмикӣ заминаи устувор фароҳам меорад.

Расмҳои аз ҷараёни корҳои таъмиру ободонӣ дар ду пойгоҳи сейсмикии ёдшуда:

Расмҳои корҳои ободонӣ аз пойгоҳи сейсмикии Ғарм

Расмҳои корҳои ободонӣ аз пойгоҳи сейсмикии шаҳри Хуҷанд

Мудири Шабакаи мониторинги сейсмикию геофизикӣ Ёқубзода Ш.А.