Муаллифони ин мақолаи пажӯҳишӣ кормандони Институти геология, сохтмони ба заминҷунбӣ тобовар ва  сейсмологияи АМИТ С.Р. Мавлонӣ, Ф.А. Раҳимов мебошанд. Мақола дар нашри ҳафтуми  “Асарҳои Институти геология, сохтмони ба заминҷунбӣ тобовар ва сейсмология” (соли 2023) чоп шудааст.

Дар мақола маводи геологию геофизикии мавҷуда дар мавзеи Қараултеппа (минтақаи сохторию тектоникии Вахш) бо мақсади ошкор намудани объектҳои мавриди таваҷҷуҳ аз нуқтаи назари гузаронидани корҳои ҷустуҷӯӣ дар онҳо аз нав таҳлил ва дида баромада шудаанд. Арзёбии муқоисавии сифати тайёр кардани сохтори Қараултеппа барои пармакунии чуқур оварда шудааст.

Дар мақола масъалаи сабабҳои эхтимолии ба вуҷуд омадани фишорҳои ғайримуқаррарии баланди қабатӣ (ФҒБҚ), махсусан дар ҳаҷми таҳшинҳои давраи табошир, аз нуқтаи назари ҷудошавии гравитатсионӣ барарсӣ шудааст.  

Муаллифон навиштаанд, ки он қисмат аз қаламрави водии Вахш, ки аз ғарб бо минтақаҳои антиклинали (анг.  Anticline – тоқдис ё антиклинал – як истилоҳи заминшиносӣ ба маънои чине, ки маъмулан ба табақот ё лояҳои замин, ки ду самти он рӯ ба поин бошад. Лояҳои қадимӣ дар маркази антиклинал қарор доранд) Кофарниҳон, аз шарқ Оби Гарм ҳаммарз мебошанд, аз ҳашт як ҳиссаи майдони заминҳои ояндадорро ташкил дода баробар ба 3700 километри мураббаъ мебошад. Дараҷаи иктишоф дар километри мураббаъ барои як ҷойи иктишофӣ 31,1 км мураббаъ, барои чоҳи параметрӣ 370,0, дараҷаи иктишоф дар метри мураббаъ – 64,9 аст.     

Ин мақолаи илмӣ-пажӯҳишӣ масъалаҳои зиёдеро мавриди баҳсу баррасӣ қарор додааст ва мутахассисон метавонад бо матни комили он ин ҷо шинос шаванд: муфассалтар...